Velkomin í Norðurfjörð!
Í og við Norðurfjörð er margt að sjá og ber þar helst að nefna siglingarnar með Sædísi, sundlaugina á Krossnesi, minja- og handverkshúsið Kört í Trékyllisvík og margt fleira. Hér á síðunni má glöggva sig á öllu því helsta sem fram fer á svæðinu auk upplýsinga um gistingu og tjaldsvæði í Árneshreppi.
Við í Kaffi Norðurfirði bjóðum alla hjartanlega velkomna í sumar þar sem gestir og gangandi geta fengið sér hressingu og notið einstaks útsýnis yfir fjörðinn.
Það er opið hjá okkur frá 8:30 til 21:00 alla daga, eða eftir samkomulagi. Við bjóðum upp á lengri opnunartíma fyrir hópa og höfum til morgunverðarhlaðborð fyrir þá sem það vilja. Miðað er við að hópurinn þurfi að innihalda 6 eða fleiri.
Við hlökkum til að sjá ykkur í sumar og allar ábendingar og fyrirspurnir vel þegnar á póstfangið kaffi@nordurfjordur.is eða í gegn um fyrirspurnarhnappinn hér til vinstri. Einnig er hægt að ná í okkur í símanúmer 451-4034 / 696-1397.
AssA - Þekking og Þjálfun
AssA, þekking og þjálfun býður upp á nýja nálgun í fræðslu og ferðaþjónustu. Meginmarkmiðið er að staldra við, njóta augnabliksins og eignast öðruvísi minningar. Upplifa sjálfan sig, samferðafólkið og náttúruna á eftirminnilegan hátt.
Siglingar um Strandir
Freydís sf. býður upp á áætlunarsiglingar með Sædísi ÍS-67 frá Norðurfirði þrisvar í viku auk útsýnisferðar á laugardögum í sumar. Sædís tekur allt að 30 farþega og var keypt ný vorið 2006.
Gisting í Norðurfirði
Í Norðurfirði er að finna margskonar gistimöguleika. Litlar og heimilislegar íbúðir með uppábúnum rúmum og heimagistingar.